"काजवा"
हिरवा शालु पांघरलेला,
सृष्टीचा मन मोहक पसारा,
सायंकाळच्या रम्य वेळी,
तो एक काजवा चमचमणारा,
त्याच शांततेच्या वतावरणात,
काही आठवणी आल्या मनात,
वा-याच्या एका झुळुकी बरोबर,
काही स्मृती ठेवुनी गेल्या ऊरात,
वेळेचे भानही ना राहिले,
मीही डुंबुन गेलो विचारांत,
अन् अचानक लावुन गेलो,
काजव्यांच्या लखलखणा-या प्रकाशात
कुठून आला होता तो समय,
मनाला भुरळ घालणारा,
त्यातच मनही वेधुन घेत होता,
तो एक काजवा चमचमणारा
स्वत:ला सावरण्याच्या ओघात,
स्तब्ध झाला समय पळणारा,
पण त्या गरगरणा-या अंधारात होता,
तो एक काजवा चमचमणारा,
तो एक काजवा चमचमणारा.
No comments:
Post a Comment